He aha te tūhono?
Ko te tūhongo he here wairua ki tō pepe me ou karearoto ka whatau atu koe ki i a. E rua ngā momo hei whakatipu i tō pepe kia puawai ia.
He aha ngā putanga pai e tūhono ai ki āu nei tamariki?
Kei ngā rangahau e kii ana mehemea ka tūhono moata te pēpi ki tōnā pāpā, he maha ngā whainga mōna.
He pakari rātou i te kura, ka tāea te ako i ngā akoranga pēnei i te whakaoti rapana. Ka tino kaha rātou kia rātou anō. Ka tāea ki te whai hoa me ngā hononga.
Ko ngā pāpā ringaraupā kāore rātou e pēhitia e te pouri, ka autaia kē.
Ngā tūhono me tō pēpi
Kāore he mahinga motuhake hei whai kia hono pai tō pēpi ki a koe, ēngari he maha ngā kaupapa mahi hei whai ki te ārahi me te akiaki i te hononga ki waenga nui i a kōrua ko tō pēpi.
- Me whai wā mō te awhi me te awhiawhi - Kua mārama kē tō pēpi ki te pā o tō ringa. Kia noho piri tonu koe ki a ia. He painga anō mōu hoki. Whakatakotitia tō pēpi ki runga i tō uma i te wā kei te kainga koe. Ka pīoioi i tō pēpi- kiri ki te kiri
- Ka āta titiro atu ki ngā whatu ō tō pēpi i te wā kei te kōrero atu koe - A te wā, kei te waiata, kei te tākaro kōrua, me te mea nui e pai ana te kite atu o pēpi ki tō kanohi hoki.
- Kia mau tonu a pēpi ki tō taha, ki roto i te uwhi tākai, uwhi pupuri i mua rawa i a koe, kia kite i a kei te aha koe - Ko te rongo i tō reo, i te reo o pāpā te mea nui katoa. Ka mauritau
- Kia hari i te wā o te tākaro - Kei te kanikani koe me tō pēpi i roto i ō ringa. He painga tērā. Ka whakarongo i tō waiata reka. Ka tākaro, ka mahi kanohi, ka pūkana. He rawe tēnei hei hono i te taha i a pēpi
- Whakawehe, he wā hei tiaki i a pēpi - Ka kore e tāea e koe te whāngai ū kia pēpi, kei te pai he wāhanga anō mōu ki te āwhina (pēnā i te tīni kope, te whakatau, te whakakaukau, te horoi i a pēpi)
- Mā konei ka āwhina koe i a pēpi - Kei konei anō he wā hono ki tō pēpi, otirā kia maumahara ake, he pai toniu ka tāea e koe tōu ake hono, mahi, tākaro. Ēhara noa iho ēnei mahi mā tō hoa pūmau anakē.
Ka tiaki koe i a koe. He hua nui anō tēnei.
He mea nui tēnei te tiaki i a koe anō. Kei a koe te tikanga o te hono ki tō pēpi. Ko tāu he whakarite wā mō kōrua ko tō pēpi kia mōhio pono , kia hono tahi ai kōrua kia kōrua.
