Ō mōtika
Hei kiritaki o Whānau Āwhina, he mōtika ōu. Ka hāngai ēnei mōtika katoa ki a kōrua ko tō tamaiti ina whakamahi koe i ngā ratonga Whānau Āwhina.
He mōtika tōu:
- kia whiwhi i ngā manaakitanga ngaio a ngā kaimahi Whānau Āwhina matatau – me whakaata ngā ratonga i ngā hiahia i aromatawaitia, i whakaaetia hoki i raro i te kirimana Tamariki Ora a Whānau Āwhina
- kia ngākau whakaute te tangata ki a koe, tae atu ki tō ahurea, ō uara, whakapono, tikanga hoki
- kia noho tūmataiti, matatapu hoki
- kia whai wāhi ki ngā whakatau manaaki hauora e tautoko ana i a koutou ko tō whānau kia noho ora, noho motuhake hoki
- kia mōhio ki te āhua o te rokiroki me te whakamahinga o ō mōhiohio, ā, ka tukuna ki a wai
- kia tirohia me te whakatika i ngā mōhiohio e pupuri nei mātou mōu, mō tō tamaiti rānei – ka hāngai pea ētahi herenga motuhake / whāiti i raro i te Privacy Act 29 (1a)
- kia mōhio ki ngā ratonga e whakaratoa ana e Whānau Āwhina
- kia tukuna he pātai kia mārama pai ai koe
- kia whakarongo, kia mārama hoki te tangata ki a koe, ā, kia whiwhi koe i ngā mōhiohio katoa mā te tikanga e hiahiatia ana e koe – ina e tika ana, e whai take ana hoki, me wātea mai tētahi kaiwhakawhiti reo
- kia whakakāhore i ngā manaakitanga ka tukuna ki a koe, ā, ka taea hoki te huri i ō whakaaro ahakoa te wā
- kia noho tētahi atu ki tō taha hei kaitautoko
- kia tukuna he amuamu mō ngā ratonga a Whānau Āwhina.
E hiahia ana mātou i ō kōrero whakahoki mō tō wheako. Ka taea e te katoa te tuku amuamu mō ngā manaakitanga, ngā ratonga rānei i whiwhi rātou. Ka taea hoki te tono i tētahi atu ki te tuku amuamu māu, pērā i te whanaunga, hoa, matua, kaitiaki tokoora, kaitaunaki rānei (tirohia i raro).
Mēnā he amuamu tāu, e tūtohu ana mātou kia wawe te kōrero i ō āwangawanga. Ka taea te kōrero ki tētahi kaimahi o Whānau Āwhina, me tono kia kōrero ki tō rātou kaiwhakahaere, whakapā rānei ki a mātou mā tā mātou puka whakapā paetukutuku. Ka taea hoki te īmērā ki feedback@plunket.org.nz waea rānei ki 0800 184 803 ki te tuku amuamu.
E whai ana mātou ki te tūtohu ki ngā amuamu katoa i roto i te rua rā, ā, ka whakamōhio atu i a koe mō te rārangi wā e matapaetia ana mō te tūhuratanga me te urupare ōkawa (i roto i te 10 rā mahi)
Te tautoko me te taunakitanga
Mēnā e hiahia tautoko ana koe, whakapā atu ki te Nationwide Advocacy Services mā te waea ki 0800 555 050, te īmēra rānei ki advocacy@hdc.org.nz.
Ka taea hoki te whakapā atu ki te Toihau Hauora, Hauātanga mō tō amuamu ki te hiahia koe, mā te waea ki 0800 11 22 33, te īmēra rānei ki hdc@hdc.org.nz.
