AUCKLAND & NORTHLAND UPDATE

To keep whānau and staff safe, all Northern region appointments will be by video call or phone until Tuesday 7 Feb. Your nurse will be in touch. All drop in clinics are cancelled.

Language preference

Kia mōhio mai koe

  • He painga tēnei mea te oranga inā kei te ora kei te pai te katoa – ko pāpā anō hoki tēnā. Ēhara tēnei momo whakaaro i te whakaaro mōhū.
  • He mahinga ohorere tēnei mea te whai pēpē, otirā kei te pai, he maha ngā kaupapa ka tāea te āwhina. Kōrero atu ki tō pāpā me ōu hoa. Whai rangahau hei āwhina. Kei ngā akonga hapūtanga ētahi rauemi hei titiro ake. Otirā, tiaki i tō tinana me tō hinengaro.

Ngā whakaritenga mō tō ao me tō pēpi hou

Ka whai pēpē ana, ka huri tō ao. Ko ngā marama tuatahi ka tino ohorere kōrua ko tō hoa rangatira.

Anei ētahi kaupapa hei āwhina:

  • Ka mōhio koe ka uaua, kei te pai. He maha tonu te tangata hei āwhina, hei tautoko, otirā kei te mārama katoa.
  • Hāere kōrua ko tō hoa rangatira. ki ngā akonga hapūtanga mō ngā mātua. Kei ā Whānau Āwhina Plunket ētahi akonga pai mō ngā mātua. Ko te whai mōhiotanga me te māramatanga o ngā kaupapa e whai ana ki te whakawhānau pēpi me ngā rā tuatahi o te oranga o te pēpi hou ngā kōrero āwhina e hiahia ana te tokomaha ki te whai. Ko te whakawhanaungatanga anō tētahi kaupapa ka tutuki.
  • Me matua whakapono. ka whai mōhiotanga, ka whai māramatanga otirā ka ako koe ki te tiaki pēpi i te taenga mai o tō pēpi hou. Te tīnī kope, te horoi i a pēpi, te whakamoe i a pēpi. He mahinga nui te whai tamariki, otirā kei te mōhio atu ka taumaha katoa ngā mahi i ētahi wā. Kia mōhio mai koe, kāre e roa ka rangatira rawa atu koe ki te whakamahi i te tūrū waka. 
  • Whakaritea he wā mōu ake me tō hoa pūmau, tō hoa rangatira. He painga kia whai wā mō kōrua. Mahia ngā kaupapa e pīrangi ana kōrua. Hāere ki te kite i ngā hoa. Tākaro tahi. Whakarite he taurite kia tāea tētahi ki te hāere ki te whakatā i a kōrua.
  • Kōrero mō ngā take nui.  
    • Ngā mea nui: Kei te āwangawanga kōrua mo te moni? Kei te taumaha ngā whakaaro kua hoki mai mōu i a koe e pakeke ana? Kei māharahara koe kāre koe e paku mōhio kei te aha koe? Kōrero ki tō hoa rangatira, ki tō hoa, ki tō whānau. Kaua e waiho kia pupū te riri ki roto i a koe.

    • Ngā mea iti: He painga tonu kia nohonoho ngā pāpā ki te kōrero mō ēnei āhuatanga. Tērā pea ko te kōrero ki te taha o tō pāpā anō te hiahia, ki tō pāpāra, ki te hoa o tō pāpā rānei. Ki ngā rōpu me ngā hāpori o waho mai i tō whānau me ō hoa (kei a Whānau Āwhina ētahi).  

  • Tiaki i tō tinana. Ka pai ake koe inā ka ora tō tinana me tō hinengaro mai i ngā kai pai (te kai i ngā hua (rākau/whenua) e rima i a rā, me te whakakore i ngā kai mōmōna me ngā kai hukahuka) me te inu wai. He pai hoki ki te nukunuku ki te whakapakari i tō tinana mō te 30 mēneti ia rā.  

    • Tīwhiri: Hāere mō te hīkoi me tō pēpi ki mua i a koe ki roto i te uwhi tākaikai, ki roto i te perēme rānei. Ka pūhia koe e ngā hau a Tāwhirimātea, ka oreore hoki tō tinānā, ō waewae. Ka wātea tō hoa ki te whakatā. Ka moe hoki pea a pēpi. 

  • Te whakaaro (kia tau, kia noho tonu ināianei). Hā ki roto, hā ki waho. (Hā ki roto i tō ihu, ka kaute 1,2,3, hā ki waho i tō waha, ka kaute 1,2,3) ka noho ki roto i taua wā me tō pēpi. He ngāwari, he mauritau inā kei te māharahara kei te āwangawanga rānei koe. Inā he pai kia koe te whai i ngā taupānga tēnā titiro ki Smiling Mind.  

  • E moe – i te wā e tāea ana. Inā he pēpi hou tāu, ko te māramata kāre koe e moe. Me moe i te wā e moe ana a pēpi. Hoki ki te moe mōata. Ko te tikanga inā ka pai tō moe, ka ora anō koe.

Check out the free mindfulness app, Smiling Mind.

Smiling Mind

Visit Website

Smiling Mind is a non-for-profit web and app-based meditation program developed by psychologists and educators to help bring mindfulness into your life.

Kāore tēnei i a koe?

Kei te pā pouri, kei te pōnānā, kei te māuiui koe, kōrero ki tētahi atu.

Tō hoa pūmau, hoa rangatira, ōu hoa, tētahi o tō whānau, tō tākuta. Wāea, tuku kōrero rānei ki tētahi wāea tautoko pēnei ia 1737 (tuku kōrero, wāea rānei). He rātonga āwhina kore utu mō te 24/7.

Hono atu ki page Te Mate Hinengaro ō Pāpā mō ngā rauemi me ngā kōrero āwhina hei whakakaha i a koe kia pai anō koe.