Ko Whānau Āwhina Plunket tētahi āhuatanga e tino pīrangihia ana hei painga mō ngā tamariki o Aotearoa. Kua hipa te 100 tau e hāere tahi nei ā Whānau Āwhina i te taha ō ngā whānau. Ko te manako kia hiki te wairua mahi-tahi i wāenganui i ngā whānau, ngā pēpi me ngā tamariki Māori.
E tika anā i raro i Te Tiriti ō Waitangi ka āhei ngā whānau Māori ki te whai i ngā ture whakatūpatotanga mō te taha haumaru me te putanga kino, āhakoa i tērā, ko te Māori ka noho ngoikore i ngā whitinga pūta-oranga i Aotearoa. Ka ki ake kāore te katoa ō ngā whānau e mārama me pēhea te whakapā ki ngā tūmomo kaupapa ratonga ki roto i ngā hāpori me te mea hoki te tāea te tautoko mai ngā mahi, ā, i te mutunga kua kore e eke ki te pae ora.
Ko te ahunga ā Whānau Āwhina he whainga kākāno rua hei mahitahi, ka hanga tahi i tētahi āhuatanga mo te katoa, otira, hei āwhina i ngā whānau Māori me wā rātou hiahiatanga.
Te Rautaki Māori – Ngā Pae o te Harakeke, koia nei te Te Rautaki Māori hei huarahi ārahi.
Whainga – pae ora
Ko te Mauri ora (mō ngā pēpi me ngā tamariki), whānau ora (whānau ora, whānau māia) me te wai ora (te hauora o te taio me ngā hononga ki te taio).
Mīhana - Mana taurite - kanohi kitea
Te whai i te mana taurite me te whakatautika o te mana. Ko te kaupapa motuhake mo te tangata kia piritahi, kia whakanuia, whai mana.
Kitenga - Kotahi mano ngā rā hiki te oranga mo ngā whakatipuranga, roto i ngā hapori.
Ka kitea te rerekētanga o te oranga i roto i ngā rā tuatahi tae rāno ki te rā tahi mano.
He aha te Te Rautaki Māori – Ngā Pae ō te Harake?
Te Rautaki Māori - Ngā Pae ō te Harakeke, he tuhinga whakamārama tēnei mō te tūāpapa ō Whānau Āwhina me ngā mahi mana taurite. I ahu mai tēnei Rautaki Māori mai ngā Rautaki Māori e rua o ngā tau 2000 me te 2015. Ka oti koinei te pae toru ō Te Rautaki Māori mō Whānau Āwhina Plunket.
He whainga ārahi te rautaki mana taurite mā te Poari me ngā kaiwhakahāere. Ka whakatautia tēnei kia mana. Katahi ka whakatāngia kia tau ki te Mārae ō Puketeraki ki Karitāne. I reira ka whakaritetia kia pono te whakaputa i ngā kōrero tika mō Whānau Āwhina Plunket. Koia ko te whakanui. Ka whakaaetia ēnei manukura, a Mere Harper me Ria Tikini, mō wā rāua mahi whakahirahira kia kitea ai te putanga mana taurite o te oranga mai ngā rātonga ki ngā whānau Māori i mua i te tau 2025.
Ko te mahitahi, ko te whakahoahoa tahi ngā mahi i tutuki i waenga i te 300 tangata e mahi ana i raro i te whakaruruhau o Whānau Āwhina, e mahi hoki ana i waho mai i taua whakaruruhau. He kuia, he kaumātua, he tauira nēhi, he māmā, he pāpā me ngā whānau. He amorangi Māori mai ngā iwi, ngā hapu me ngā hāpori o te motu o Aotearoa. He kaimahi māori, he kaiwhakahāere rongoa hauora, he kaiwhakahāere nō Whānau Āwhina.
Te ingoa me te tohu
Ko te ingoa, Ngā Pae o te Harakeke me te tohu i kohaina mai i a Len Hetet ki a Whānau Āwhina Plunket.
Kei waenganui o ngā toi kōwhaiwhai e whakaatu ana i te māia, me te kaha hono i te matauranga o ngā wahine pēnei i a Mere Harper me Ria Tikini. Ko rāua ngā nēhi wāhine whakawhānau. Kei waho ngā toi kōwhaiwhai o te tamaiti, ngā Matua me te kuia, koroua e āria mai ana tōna ritenga ki te pā harakete.
He kitenga takirua mai te herenga wāhi ō te Ao
Ka kitea ngā taha-rua o Aotearoa i roto i tēnei Rautaki Māori. Ko te wāhanga ō waenganui e whakaatu ana i Te Ao Māori me Te Ao o iwi kē e noho ana ki roto i Aotearoa.
Ngā Uara Uho
E whā ngā uara uho ō te Te Rautaki Māori hei ārahi ngā mahi i Whānau Āwhina Plunket.
Māia: whakakaha ia koe ki te hīkoi ki roto i ngā wero tā te mana taurite ka puta he huarahi hou hei whai.
Māhaki: whakaiti i a koe kia tāea ai te tuari i ngā mōhiotanga me ngā māramatanga hei akoako ki te whakatipu whirinaki.
Tūhono: te whakahono me te tū i roto i te whakahoahoa rangimarie ki ngā wahi Āhuru mōai.
Manaaki: arohahia, manaakihia tautokotia, whakarei mana. Mana atua, mana tupuna, mana whenua, mana tangata.
Mahere Mana Taurite
He huarahi mahere te Mahere Mana Taurite ki te whai ka pēhea te tautoko i te kaupapa mana taurite i Whānau Āwhina Plunket, ko te hua ka puta ko te Mahere Hohenga.
E whā ngā kaupapa ka puta;
- Mohiotanga (whakatau te tūāpapa mātauranga)
- Honotanga (whakatipu rautaki mahi ngātahi me te whakawhanaungatanga)
- Ponotanga (whai mana hei kaitohūtohū hei ārahi i roto i te Pae Ora)
- Te Kaupapa tuawha te Mana Taurite (te tutukitanga ō te mana taurite hei putanga mo ngā whānau Māori). Ka kore tēnei kaupapa e nuku mena kāore ngā wāhanga e toru i tutuki.
Kaupapa tuatahi, Mohiotanga,whakapiritanga kia toru nga hūanga:
- Te Whakahoro me te Pupuri i ngā mahi Māori: Whakarite kia mahitahi ngā kia puta pai te tautoko i ngā Kaimahi Māori me ngā whānau Māori.
- Māori Whakamanea: Pōhiri me te mihi ake i ngā Kaimahi Māori, me o rātou mātauranga ka huahua ngā whiwhinga.
- Māngai Māori: Te whakamihi i te Ngākau Māori